पिप्रहवा पुगेका राईलाई जेष्ठ महिला मतदाताले भनिन्–‘राम्रो उपमहानगर बनाउनु जितको शुभकामना’

मुख्य खबर स्थानीय तह

बाँके बैशाख २६ गते ।
नेपाली काँग्रेस र जसपाको तर्फबाट नेपालगन्ज उपमहानगरपालिकाका उपप्रमुख पदका उम्मेदवार कमरुद्दिन राईलाई नेपालगन्ज उपमहानगरपालिका–१५ पिप्रहवामा स्थानीयबासीले भव्य स्वागत गरेका छन् ।

चुनावी घरदैलोका लागि आज विहान पिप्रहवा पुग्नुभएका राईलाई स्थानीयबासीले भव्य स्वागत गरेका हुन् । त्यसक्रममा मतदाताहरुले राईले विजयीको शुभकामना दिएका थिए ।

एकजना जेष्ठ महिलाले राईलाई आर्शिवाद दिँदै भन्नुभयो–‘जितको शुभकामना छ, हाम्रो नगरपालिकालाई राम्रो नगरपालिका बनाउनु ।’

नेपाली काँग्रेसका तर्फबाट नगर प्रमुखमा प्रशान्त विष्ट र उपप्रमुखमा आफु चुनावी प्रतिस्पर्धामा रहेको बताउँदै राईले निर्वाचित भए नेपालगन्जको मुहार फेर्ने उद्घोष गर्नुभएको थियो ।

घरदैलोपछि आयोजित कोणसभालाई सम्वोधन गर्दै राईले समानुपातिक ढंगले नेपालगन्जको विकास गरिने प्रतिबद्धता जनाउनुभयो । ‘यहाँ जात हेरेर काम गरिँदैन् उहाँले भन्नुभयो–‘सबैलाई समेट्नेगरी विकास गर्ने हो ।

कसैलाई पूर्वाग्रही राखिदैन ।’ उहाँले आफु निर्वाचित भए भौतिक पूर्वाधार, शिक्षा, स्वास्थ्यलगायतका समस्या समाधान गरिने बताउनुभयो। गरिव तथा विपन्न समुदायका नागरिकको सवालमा प्रभावकारी योजना ल्याइने पनि उहाँको भनाइ छ ।

उहाँले जेष्ठ नागरिकलाई निशुल्क स्वास्थ्य सेवा प्रदान गरिने बताउनुभयो। आफु निर्वाचित भए प्रत्येक वडामा जेष्ठ नागरिकलाई निशुल्क स्वास्थ्य सेवा प्रदान गरिने उहाँको भनाइ छ।

Leave a Reply

Your email address will not be published. Required fields are marked *