बाँके प्रहरीले पेस्तोलसहित तीन जना युवालाई पक्राउगरेको छ

मुख्य खबर स्थानीय तह

बाँके फागुन १८ गते ।
बाँके प्रहरीले अटोमेटिक पेस्तोलसहित तीन जनालाई पक्राउ गरेको छ । उनीहरुलाई गएराती डुडुवा गाउँपालिका–४ राप्तीपुलको नजिकैबाट पक्राउ गरिएको प्रहरीले जनाएको छ ।

पक्राउ पर्नेमा नेपालगन्ज उपमहानगरपालिका–१२ का २८ वर्षीय दिपेन्द्र अधिकारी, वडा नम्वर १८ का २२ वर्षीय शुशान्त केसी, र कैलाली लम्कीचुहा नगरपालिका–३ का ३२ वर्षीय द्धारीका उपाध्याय रहेको बाँकेका डिएसपी मधुसुदन न्यौपानेले जानकारी दिनुभयो ।

पक्राउ परेका तीनै जनालाई आज प्रहरीले पत्रकार सम्मेलनगरी सार्वजनिक गरेको छ । नेपालगन्जदेखि राप्तीनदी तर्फ जाँदै गरेको बाग्मती प्रदेश ०१–०२५ च ३०२९ नम्वरको कार चेकजाँच गर्नेक्रममा एक थान अटोमेटिक पेस्तोल, पेस्तोलमा लाग्ने सात थान गोलीसहित घरेलु हातहतियार फेला परेको डिएसपी न्यौपानेले बताउनुभयो ।

उक्त पेस्तोल दिपेन्द्रले तीन महिना अघि भारतको लखनउबाट असरफ अलिसँग ५० हजारमा खरिद गरी ल्याएको खुलेको छ । दिपेन्द्र यसअघि पनि आपराधिक घटनामा संलग्न रहेको खुलेको छ ।

Leave a Reply

Your email address will not be published. Required fields are marked *