बढैयातालमा टिप्परले किच्दा दुईजनाको मृत्यु, तीनजना घाइते

मुख्य खबर स्थानीय तह

बाँके माघ १८ गते ।
बर्दियाको बढैयातालमा टिप्परले किच्दा दुईजनाको मृत्यु भएको छ । थप तीन जना घाइते भएका छन् । घाइतेहरुको नर्सिङहोम नेपालगन्जमा उपचार भइरहेको छ ।

घाइते बढैयाताल गाउँपालिका–३ का ४० वर्षीय सोमबहादुर विक र ४५ वर्षीय रामु थारुको भे १ क १४९५ नम्वरको टिप्परले किच्दा मृत्यु भएको इप्रका मैनापोखरका प्रहरी निरीक्षक धर्मराज जोशीले जानकारी दिनुभयो ।

उहाँका अनुसार ४० वर्षीया प्रमिला चौधरी, चमेलिया चौधरी र टिप्पर सहचालक १९ वर्षीय लक्ष्मण सुनार घाइते हुनुभएको छ । सोमराज विकको घरको आँगनमा आगो तापिरहेका उनीहरुलाई अनियन्त्रित गतिमा रहेको भे १ क १४९५ टिप्परले सडक नाला पार गरेर किचेको प्रत्यक्षदर्शीले बताएका छन् ।

विकको घटनास्थलमै र थारुको उपचारका क्रममा नर्सिङहोममा मृत्यु भएको हो । चालकलाई प्रहरीले नियन्त्रणमा लिइसकेको छ ।

गएरातीको उक्त घटनापछि स्थानीयबासीहरुले दोषीलाई कारवाही, क्षतीपूर्ति र राहात माग्दै स्थानीयबासीले हुलाकी राजमार्ग अन्तर्गत गुलरिया खजुरा सडकखण्ड अवरुद्ध गरेका छन् ।

Leave a Reply

Your email address will not be published. Required fields are marked *